कतार» चन्द्रशेखरले नयाँ जीवन पाए

दोहा, पुस ८ - हत्याको अभियोगमा मृत्युदण्डको फैसला सुनाइएका एक नेपालीको कतारमा नयाँ जीवन पाएका छन् । कतारको सर्वोच्च अदालतले डिसेम्बर २० मा गरेको फैसलाअनुसार सिरहाको बेलहा-७, लक्ष्मीनियाका  ४० वषर्ीय चन्द्रशेखर यादव मृत्युदण्डबाट जीनवदान पाएका हुन् ।
सवोच्चको फैसलाअनुसार उनलाई मृत्युदण्डको सजाय घटाएर अब १५ वर्षको कारावास सजाय तोकिएको छ । जसमध्ये उनले ७ वर्ष बिताइसकेका छन् भने बाँकी ८ वर्ष भुक्तान गर्नुपर्ने हुन्छ । कतारका लागि नेपाली राजदूत डा. सूर्यनाथ मिश्रले सर्वोच्चको फैसलाबाट चन्द्रशेखरले जीवनदान पाएको बताउँदै बाँकी कैद माफीका लागि पनि एमनेस्टीले अनुरोध गर्ने जनाएका छन् ।
कतारमा लामो समय जेल सजाय भुक्तान गरेकालाई सरकारले रमजानको बेला आममाफी दिनेसमेत गरेको छ । 'सास भएसम्म आस हुन्छ भनेर निरन्तर लडिरह्यौं र आज उनी मृत्युदण्डबाट जोगिएकोमा हामी हषिर्त छौं,' राजदूत मिश्रले कान्तिपुरलाई भने, 'अब उनको क्षमादानका लागि पनि आग्रह गर्छौं ।' 

Your Ad Here

इन्डोनेसियाली एक युवतीलाई हत्या गरेको अभियोगमा चन्द्रशेखर र दुई भारतीय नागरिक २००३ देखि कतारको कारागारमा छन् । अदालतले भारतीय नागरिकहरू श्रीधरण मणिकान्तन र महादेवन उनीकृष्णणलाई आजीवन कारावासको सजाय तोकेको छ । आजीवन कारावासको लागि २५ वर्ष भुक्तान गर्नुपर्ने हुन्छ । ट्याक्सीचालक पेसमा संग्लन मणीकान्तन र उनीकृष्णण पनि मृत्युदण्डबाट बचेका छन् । हत्या अभियोगमा थुनामा परेका एक नेपाली बुद्धिमान गुरुङ दुई वर्ष जेल र दुई हजार रियाल जरिवाना तिरेर पहिले नै स्वदेश फर्किएका थिए ।
हत्या अभियोग लागेका तीनजनालाई कतारको तल्लो अदालतले २००६ नोभेम्बर ३० मा मृत्युदण्डको फैसला सुनाएको
थियो । उनीहरूलाई ती इन्डोनेसियन युवतीलाई हत्या गरी बक्रा तटमा फालेको अभियोग लागेको छ । ती इन्डोनेसियन युवती हाउसमेड भएको भनिए पनि को हुन् भन्ने अझैसम्म स्पष्ट भएको छैन । अभियुक्तहरूले उनलाई जबर्जस्ती यौनक्रियाकलापमा लगाउन खोजेर हत्या गरेको आरोप लागेको थियो । 

कतार»

चन्द्रशेखरले नयाँ जीवन पाए

अरब ब्युरो संवाददाता