यौन आनन्दका लागि पाक्क्रीडा
रोजिन शाक्य
शाक्य
वात्सायनद्वारा लिखित पुस्तक कामशास्त्र आज पनि आधुनिक औषधी विज्ञानका लागि प्रेरणाको स्रोत मानिन्छ । आधुनिक यौनविशेषज्ञहरू पनि कामसूत्रलाई यौन विज्ञानको जननी मान्छन् । वात्स्यायनले कामशास्त्रमा स्पष्ट शब्दमा लेखेका छन्- 'सम्भोग जीवनको आवश्यकता मात्र होइन अनिवायर् ता पनि हो । सम्भोगको अर्थ स्त्री र पुरुषको शारीरिक सम्बन्धबाट परम आनन्द प्राप्ति हो । सम्भोग प्रजननको स्रोत हो । यसले तन-मनका कैयन् विकारलाई समाप्त गर्छ ।' यही परम आनन्दलाई आज स्वास्थ्य विज्ञानमा चरम सुख भनिन्छ । चरम सुखसम्म पुग्न पाक्क्रीडाको आवश्यकता हुन्छ । पाक्क्रीडा अर्थात् सम्भोगपूर्व गरिने प्रक्रिया जस्तैः प्रेमपूर्ण रोमान्टिक संवाद, आपसी छेडछाड, स्पर्श, चुम्बन, आलिंगन एवं शरीरका हरेक अंगको प्रेमपूर्ण स्पर्श । पाक्क्रीडाले सम्भोगको आनन्दलाई कैयन् गुणा बढाउँछ । यौनविशेषज्ञहरूका अनुसार यो शारीरिक आवश्यकता पनि हो । सम्भोग र पाक्क्रीडाका बीचको सम्बन्ध तथा त्यसको आवश्यकता महत्त्वपूर्ण भएको विज्ञहरूले बताउँदै आएका छन् ।
स्त्री रोग विशेषज्ञहरूका अनुसार युवापुस्तामा यौनप्रति बढ्दो अरुचिले विश्वभरका समाजशास्त्रीलाई समस्यामा पारेको छ । विशेषगरी विकसित देशका युवाहरूमा विकसित हुँदै गएको महत्त्वाकांक्षा, बढी सम्पत्ति आर्जन गर्ने चाहना एवं महिलाहरू कामकाजी हुनु आदि यौनप्रति अरुचिका प्रमुख कारण हुन् । दिनचर्याको व्यस्तताले उनीहरूलाई शारीरिक एवं मानसिक रूपले यति थकित तुल्याउँछ कि जब दम्पती सम्भोगका लागि ओछ्यानमा पुग्छन्, तब उनीहरू या त सुतिहाल्छन् वा हतारमा प्रक्रिया पूरा गर्नतर्फ लाग्छन् । यसले गर्दा पति-पत्नीका बीचको मनोवैज्ञानिक एवं शारीरिक सामिप्यता जन्मन पाउँदैन र उनीहरू भावनात्मक बन्धनमा पनि बाँधिन सक्दैनन् । पाक्क्रीडा अर्थात् शारीरिक स्पर्श, आलिंगन, चुम्बन र गुप्ताङको स्पर्शबाट शरीरमा एक प्रकारको श्राव हुन्छ, जसले गुप्ताङलाई रसिलो बनाउँछ र सम्भोग क्रिया पीडारहित एवं आनन्ददायक बन्न पुग्छ । पाक्क्रीडाले पुरुष अंगलाई सशक्त बनाउनुका साथै नारी अंगलाई पनि सम्भोगका लागि तयार बनाउँछ । यसले सम्भोगपछि उत्पन्न हुने शुक्रकीटलाई सुरक्षित रूपमा गर्भाशयमा पुर्याउन र गर्भधारण गर्न मद्दत गर्छ । पुरुष जब कुनै महिलासँग प्रेमाशक्त भएर कुराकानी गर्छ तब उसको रागरसमा उथलपुथल देखापर्छ र उत्तेजनात्मक द्रव्य प्रवाहित हुन थाल्छ । यसले मस्तिष्कमा गएर यौनप्रतिको इच्छा जागृत गर्छ । यो एउटा स्वभाविक प्रक्रिया हो ।
क्यालिफोर्निया विश्वविद्यालयको बायोलोजी विभागाध्यक्ष डा. विलियम ओबोनाको चर्चित पुस्तक फोरप्लेः द वार्मिङ प्रोसेस' मा पाक्क्रीडाका सम्बन्धमा विस्तारपूर्वक उल्लेख गरिएको छ । उक्त पुस्तकमा उल्लेख भएअनुसार यौन प्रक्रियालाई तीन प्रमुख भागमा बाँडिएको छ । पहिलो पाक्क्रीडा अर्थात् पूर्व क्रिया, दोस्रो सम्भोग अर्थात् चरमबिन्दु र तेस्रो हो स्खलन अर्थात् चरमसुख । डा. ओबनाका अनुसार जति धेरै विस्तृत पाक्क्रीडा हुन्छ, चरमसुख प्राप्तिको सम्भावना त्यति नै बढी हुन्छ । २८ वर्षीय नन्दा भन्छिन्- हामीलाई 'पाक्क्रीडाको महत्त्व थाहा थिएन । विवाह भएको बेला म १७ वर्षकी थिएँ, मेरा श्रीमान् २० वर्षका थिए । हामीलाई सेक्सको ज्ञान सम्भोगसम्म मात्र थियो । नेटमा सर्फ गर्ने क्रममा हामीले पाक्क्रीडाका बारेमा जान्यौँ । कैयन् ज्ञानबर्द्धक कुरा र भिडियो क्लिपका माध्यमबाट हामीले पाक्क्रीडाका सम्बन्धमा ज्ञान हासिल गर्यौँ र त्यसलाई प्रयोग पनि गर्यौँ । जसमा हामी सफल भयौँ ।'
तीस वर्षीया समिता गृहिणी हुन् र एक व्यवसायीकी श्रीमती । उनीहरूको विवाह भएको ६ वर्ष भैसकेको छ । समिताका अनुसार 'उनीहरूका बीच नियमित सम्बन्ध छैन तर सफल सम्बन्ध भने छ । उनीहरूको दुई वर्षीय छोरा पनि छ । केही समय यता मेरा केही साथीले जब चरमसुखका बारेमा बताए र त्यसको सुखद अनुभवका सम्बन्धमा जानकारी दिए तब मलाई लाग्यो कि मलाई त्यो सुखद् अनुभव पछिल्लो छ वर्षमा छ-सात पटकभन्दा बढी भएको छैन । उक्त कुरा मैले आफ्ना श्रीमान्लाई बताएँ । यसले उनलाई धेरै हदसम्म चिन्तित तुल्यायो । हामीबीचको सम्बन्ध बिग्रन पुग्यो । मेरो सुख र सन्तुष्टिको प्रश्नमा उनी बढी तनावग्रस्त हुन थाले र सम्बन्ध नै तनावग्रस्त भयो । चरमसुखको कुराले आफ्नो सम्बन्ध बिगि्रएकामा म अहिले पश्चात्ताप गरिरहेकी छु ।'
१६ औँ शताब्दीमा लेखिएको अकबरको आत्मकथामा पनि यौनका बारेमा उल्लेख छ । उक्त आत्मकथाअनुसार अकबर जब आफ्नी रानी जोधाबाईका साथमा शयनकक्षमा हुन्थे त्यतिबेला कक्षबाहिर सितार, सन्तुर र अन्य वाद्ययन्त्र बिस्तारै बजाइन्थ्यो जुन अकबर र जोधाको रतिक्रियाभन्दा पहिलेको पाक्क्रीडामा धेरै हदसम्म सहायक हुन्थ्यो । यस्तै शिक्षाका लागि हरेक राजघरानामा धाई आमाहरू राखिएको पनि उल्लेख छ । चिकित्सकहरूका अनुसार शरीरमा श्राव हुन पाक्क्रीडा आवश्यक छ । स्त्री अंगहरूमा पाक्क्रीडाबाट उत्तेजना सञ्चार हुन्छ । यो सहवासको दृष्टिकोणले पनि आवश्यक छ । पुरुष अंगमा पनि खिचाव र श्रावका साथै अण्डकोषबाट निस्कने वीर्यमा शुक्राणुको यात्रा पनि पाक्क्रीडाका समयमा प्रारम्भ हुन्छ । यो शिशुको प्रजननमा सहायक हुन्छ । यौन विज्ञानका दृष्टिकोणमा पाक्क्रीडा त आवश्यक छ नै, भावनात्मक दृष्टिकोणबाट पनि पति-पत्नीलाई एक सूत्रमा बाँध्न त्यत्तिकै आवश्यक छ ।
No comments:
Post a Comment